「亞當的後裔，罪的奴僕，習慣說什麼❓」
那樹上的果子是她給我的。
......
記憶大概是這樣的。當年我中六...
同學說：「打呢個電話登記，就有人同你配對私補。」
我打電話。
我說：「我想登記做私補。」
職員說：「好....到時配對到學生，我哋會收返你，頭兩個禮拜嘅學費做轉介費嘅，有冇問題？」
我說：「冇問題。」
.....
中介為我找來住在學校附近的一名小學生。
上了幾課之後，
家長說：「你都補得幾好，不如我同個中介講除消補習。」
我說：「點解呀？」
家長說：「你咁俾心機教，冇理由俾個中介食咗你兩個禮拜學費。」
我說：「冇辦法啦。」
家長說：「有辦法。」
我說：「......」
家長說：「我同中介講唔駛你補，但係你繼續補，咁咪得囉，好唔好？」
我說：「好。」
......
一段時間後，某天補習期間，電話突然響起，學生的外婆接聽。
婆婆說：「搵葉偉雄喎。」
我說：「搵我？」
我接過電話。
職員說：「點解你會係度？」
我說：「.......」
職員說：「即係早前家長除消補習係假嘅，你仲有上門補習。」
我說：「......」
職員說：「咁麻煩你係限期前過番兩個星期嘅學費，再加埋罰款俾我哋。如果限期前，見唔到過數，我哋會追究責任。」
我掛線。
婆婆說：「哎呀，死啦，我唔記得咗，佢阿媽厄中介話唔補。」
.....
另一個我說：「個阿婆有冇攪錯，好老咩？冇晒記性？」
我說：「神借阿婆收我啦。」
另一個我說：「嗰中介食水咁深，打個電話，做個配對，食成兩個禮拜人工，唔怪得人厄佢嘅。」
我說：「中介問我有冇問題，我自己話冇問題。」
另一個我說：「邊度關你事呢？個家長覺得你俾心機教，想你有番合理嘅回報，自己提議話厄個中介嘅。」
我說：「家長問我好唔好，我話好。」
另一個我說：「錢，有邊個唔貪？何況你嗰陣仲係學生哥，都未出嚟做嘢。」
我說：「我根本就係食夾棍。」
另一個我說：「嗰棵善惡樹嘅果子，係神自己賜俾你，同你一齊嗰個女人遞俾你，所以你先食咋嘛。」
我說：「係我當神發噏風，自己伸手接過個果子，打開嗰口一啖一啖食咗架。」
發表新回應