「我的願望，主實現❓」
我必須落手。
……
11/02/2024（日）20:00 年初二
我回家。
媽媽說：「開飯。」
我端出飯餸。
我說：「蘿蔔糕呢？」
媽媽說：「咩蘿蔔糕？」
我說：「你今朝叫我請飲茶，飲完問我今晚想食咩？我答你蘿蔔糕。你話：好，你煮嘅。」
媽媽說：「冇呀。」
我說：「冇？你話你冇講過，定冇晒蘿蔔糕？尋晚我見到成底喺度，人哋送俾我哋嘅。」
媽媽說：「冇煮。」
我說：「點解冇煮？」
媽媽說：「已經好多嘢食。」
我說：「邊度多？全部都係尋晚嗰啲餸頭餸尾。」
媽媽說：「食埋佢唔好晒。」
我說：「我冇話唔食。」
媽媽說：「你真係奄尖。」
我說：「但係我想食蘿蔔糕。」
媽媽說：「冇呀，冇呀。」
我說：「我唔同你嘈。」
我打開雪櫃，取出蘿蔔糕，切成一片片，開火落水，蒸。
爸爸說：「等我嚟。」
我說：「唔駛，我想食，我自己煮。」
媽媽說：「我冇你咁好氣。」
數分鐘過後，我取出蘿蔔糕。
爸爸伸出筷子，夾蘿蔔糕。
我說：「你又夾蘿蔔糕食？」
爸爸說：「我都想食蘿蔔糕。」
我說：「頭先唔聽見你講嘅？」
爸爸說：「我有話等我嚟，你話唔駛。」
我說：「呀，你好嘢。」
爸爸說：「自己想食，梗係要自己落手架啦。」
媽媽伸出筷子，夾蘿蔔糕。
……
另一個我說：「點解你唔祈禱？」
我說：「祈咩禱？」
另一個我說：「求主賜你蘿蔔糕。」
我說：「咪賜咗囉，一早搵人送咗一盒嚟啦，喺雪櫃度。」
另一個我說：「點解你唔再祈禱？」
我說：「又祈咩禱？」
另一個我說：「求主蒸熟啲蘿蔔糕俾你食。」
我說：「主話咗唔蒸。」
另一個我說：「主都冇講嘢。」
我說：「主咪派媽媽講咗囉，自己想食蘿蔔糕又唔死去蒸，唔蒸就去食隔夜餸啦。」
另一個我說：「喂，你老豆老母自己夠唔蒸囉，又伸雙筷子過嚟夾？」
我說：「哎呀，新精頭，你咪咁玻璃心啦！」
另一個我說：「換轉係我，我會唔俾佢哋夾，叫佢哋自己食番，自己番熱嗰啲隔夜餸。」
我說：「你冇權咁做。」
另一個我說：「我自己落手蒸嘅都冇權？」
我說：「冇，因為底蘿蔔糕唔係你嘅，係主派人送過嚟俾我哋成家嗰喎。」
發表新回應