「主親手送走我，我還能回去嗎❓」
主若認為時機合適，隨時可送我回去。
……
另一個我說：「聽聞你想買套音響。」
我說：「係呀。我想整嗰Home Studio，要學攪Music Production。」
另一個我說：「要買咩音響？」
我說：「Audio Interface, cable, amplifier, amplifier pad, amplifier floor stand, dynamic mic, mic floor stand。」
另一個我說：「嘩嘩嘩，總共幾多件？」
我說：「7件。」
另一個我說：「幾多錢？」
我說：「1萬左右啦。」
另一個我說：「哎呀，主呀，擔心死我啦，邊度黎咁多錢？」
我說：「主咪派咗消費卷。」
另一個我說：「哎呀，消費卷人人都有，點可以算數？」
我說：「你以為自己係咩新絲蘿蔔皮呀？要人人冇你有先算呀？不知所謂。」
另一個我說：「攪到自己Cheap晒。喂，第一期你已經駛晒黎買咗ASUS monitor啦。」
我說：「仲有第二、三期，仲有5,000蚊。」
另一個我說：「得$5,000蚊咋，你而家要洗$10,000。剩番嗰$5,000點填？」
我說：「積蓄囉。」
另一個我說：「又積蓄？即係自己填啦。」
我說：「嘩，你講到啲積蓄好似我咁，我啲積蓄都係主嗰喎。」
另一個我說：「咁牙擦呀嘛，我就睇你有幾多積蓄。你黎緊嗰學年準備作曲發佈會，唔計學費，你都要駛唔少錢喎？」
我說：「係呀。」
另一個我說：「你搵同學幫你奏，諗住打盡人情牌，叫同學出心出力幫你練，惦埋交通費同你採排同演出？」
我說：「唔得，錢，點都要俾啲。」
另一個我說：「預幾多？」
我說：「每個樂手$1,000，10個左右，1萬。」
另一個我說：「綵排呢，去邊度？」
我說：「Band房，同埋其他地方。」
另一個我說：「其他地方免費架？」
我說：「邊有可能。」
另一個我說：「預幾多？」
我說：「當綵排10次，每次2個鐘，每個鐘$250，預$5,000。」
另一個我說：「作品發佈呢，去邊度？」
我說：「未知，有2個選擇：310室、同埋以勒音樂廳。」
另一個我說：「你想book邊度？」
我說：「希望以勒啦，始終係畢業表演，一生人一次；而且想尊重百忙抽空幫我奏嘅同學。」
另一個我說：「呢一筆係咪又積蓄攪惦呀？你仲駛唔駛食飯、搭車、繳租、俾家用、交學費、照顧貓狗…...」
我說：「唔駛用積蓄。」
另一個我說：「主開天窗，直接跌啲錢落嚟呀？」
我說：「唔駛，主幫我搵多咗份教職。」
另一個我說：「邊間請你？」
我說：「浸會大學。」
另一個我說：「浸大，幾時嘅事？」
我說：「2022年8月9號，星期二，下晏3點08分，我舊上司聯絡我。」
另一個我說：「2020年8月明明係主自己親手送你出浸大，幫你破斧沉舟，等你跌埋心水，專心一致讀音樂架，而家佢點可以？」
我說：「而家我已經目標明確，專心一致讀作曲，不過前行缺錢，主點解唔可以喺2022年9月送番我入浸大呀？」
發表新回應