「愛如何體現❓」
捨棄貴重的。
......
11/09/2020（五）06:00 月華街地攤
皮皮看見坐在小凳上的婆婆，立即向婆婆直衝，撲向婆婆。
婆婆說：「皮皮，你黎啦。」
皮皮左右扭動，伸舌回應。
婆婆說：「朝朝擺擋，最開心就係見到你啦。」
皮皮鑽到婆婆的腳底，左右穿插。
婆婆說：「皮皮，你見到我都開心呀？」
有一位大嬸走過來婆婆附近。
婆婆說：「隨便揀，揀多兩件計平啲。」
大嬸說：「婆婆，隻狗仔好得意。」
婆婆說：「係呀。」
大嬸說：「今日帶埋隻狗仔出嚟開擋呀？」
婆婆說：「狗仔唔係我架，係呢個哥仔架。」
我點頭。
大嬸說：「呢隻八哥呀？」
婆婆說：「唔係八哥，係法虎呀，傻婆。」
大嬸說：「領養㗎？」
我說：「買㗎。」
大嬸說：「駛唔駛五千？」
我說：「唔止。」
大嬸說：「一萬呀？」
我說：「都唔止。」
大嬸說：「咁幾多錢呀？」
我說：「兩萬幾。」
大嬸說：「嘩，太貴啦，邊度值咁多呀？」
我微笑。
......
另一個我說：「你係咪嗰啲鬼佬教徒呀？」
我說：「我係耶穌個仔，傻佬。」
另一個我說：「領養㗎？」
我說：「唔止。」
另一個我說：「仲要啲咩？」
我說：「贖價。」
另一個我說：「領養有價嘅咩？」
我說：「領養我呢啲罪人要贖價架。」
另一個我說：「駛唔駛五千？」
我說：「唔止。」
另一個我說：「一萬呀？」
我說：「都唔止。」
另一個我說：「咁幾多錢呀？」
我說：「耶穌條命。」
另一個我說：「嘩、嘩、嘩，太貴啦，邊度值咁多呀？」
我微笑，說：「問耶穌啦。」
發表新回應