「為主所作的，要怎樣❓」
專業、高質、有心機。
…….
01/07/2022（五）08:00 華漢茶餐廳
侍應說：「今朝食乜？」
媽媽說：「照舊。」
侍應說：「OK。」
我說：「我整咗張咭片。」
媽媽說：「整黎做乜？」
我說：「搵學生，搵錢囉。」
媽媽說：「攞嚟睇吓。」
我把咭片PDF傳送給媽媽。
我說：「覺得點？」
媽媽說：「正喎。」
我說：「點正法？」
媽媽說：「我鍾意個設計，簡單清楚，但係又有少少層次，仲有…」
我說：「仲有啲咩？」
媽媽說：「仲有隻顏色，沉穩得嚟又唔會古版。」
我說：「整體覺得點？」
媽媽說：「專業、高質、有心機。」
我說：「正呢？」
媽媽說：「邊個幫你整？」
我說：「你估吓？」
媽媽說：「你班耶穌友呀？」
我說：「全中。嘩，你越嚟越醒喎，一估就估到。」
媽媽說：「梗係。」
我說：「佢整咭片，係為咗主，所以….」
媽媽說：「你係主咩？」
我說：「我唔係主。但我信主呀嘛，我信主就係主嗰仔。如果唔係主，佢睬我就怪。」
媽媽說：「咁又係，張咭仲要整到咁專業、高質、有心機。」
我說：「為主做嘢，就係要專業、高質、有心機，知唔知點解？」
媽媽說：「鬼知呀？」
我說：「因為我哋信主嘅，做乜都係為主做，為得主做嘅，一定要盡力做到最好，即係要專業、高質、有心機。」
發表新回應