「創造，就是胡亂拼砌❓」
神的創造，是規律清晰，秩序井然。
.......
08/10/2020（四）07:00 香港國際音樂學校305室
和聲學第一課
老師說：「在座有冇同學打算讀作曲？」
我一人舉手。
老師說：「好，我跟住講嘅嘢，讀作曲要精通，修其他科嘅都要清楚。」
老師說：「咩係和聲？」
同學A說：「即係和弦？」
老師說：「唔止，和聲係樂音組合嘅規律。」
老師說：「點解要學和聲？」
同學B說：「和聲學係高級證書嘅必修科。」
老師說：「啱，點解和聲學係必修科？」
同學肅靜。
老師說：「音樂係有規律嘅，唔係我哋鍾意就點整就整，鍾意點砌就點砌。」
老師說：「係西方音樂嘅世界裏面，所有違反規律嘅音樂，唔係好定唔好，係錯。符合規律嘅音樂，先有得分好同唔好。」
老師說：「就用三和弦做例子，我搵上年教過嘅舊生幫下我呀。」
老師說：「大三和弦嗰結構係咩？」
同學C說：「大三度加純五度。」
老師說：「小三和弦嗰結構係咩？」
同學D說：「小三度加純五度。」
老師說：「減三和弦嗰結構係咩？」
同學E說：「小三度加減五度。」
老師說：「增三和弦嗰結構係咩？」
同學F說：「大三度加增五度。」
老師說：「非常好，一陣講嘅七和弦，就係喺呢四種三和弦之上，加上唔同種類嘅七度音而形成嘅，各自有各自嘅結構同功能。」
同學G說：「嘩，好亂呀。」
老師說：「哈哈，音樂規律其實好清晰，你自己亂姐。」
......
另一個我說：「神創世係點架？」
我說：「規律清晰，秩序井然。」
另一個我說：「創世第一日係點？」
我說：「神造天、地、光、暗。」
另一個我說：「創世第二日係點？」
我說：「神造水、空氣。」
另一個我說：「創世第三日係點？」
我說：「神造陸地、海洋、植物。」
另一個我說：「創世第四日係點？」
我說：「神造白晝、黑夜。」
另一個我說：「創世第五日係點？」
我說：「神造動物。」
另一個我說：「創世第六日係點？」
我說：「神造人。」
另一個我說：「創世第七日係點？」
我說：「神安息。」
另一個我說：「嘩，好亂呀。神咁勁，一句說話一次過咪得囉，駛乜分開七日創世呀，攪咗成章創世記出黎，鬼咁亂！」
我說：「神創世秩序不知幾清晰，亂嗰個係你呀，冇晒界線，咩都求其、是但、隨意、亂黎，撈埋一碟。」
發表新回應