「專家意見，收費多少❓」
主或全數預繳。
……
音樂工作室準備工作正式展開，同學負責尋找單位，我負責尋找鋼琴。
16/09/2021（四）16:00 香港國際音樂學校
實科演奏課
我說：「主任，上堂前有件事想請教吓你。」
主任說：「講啦。」
我說：「我打算買琴，想問一問你意見。」
主任說：「買咩琴？」
我說：「三角琴。」
主任說：「你屋企夠大擺部Grand？」
我說：「梗係唔夠啦，而且又貓又狗，動物園咁。」
主任說：「咁你打算擺去邊？」
我說：「打算同同學夾份租過單位。」
主任說：「單位幾大？」
我說：「未定，估計200幾尺。」
主任說：「唔係好大，部Grand佔咗一大半地方。」
我說：「所以諗住買Baby Grand。」
主任說：「Grand質素好參差，尤其二手Baby Grand，未試過一部得架。」
我說：「吓，我就係諗住上網買部二手Baby Grand。」
主任說：「嘩，你唔好亂嚟。好少人識保養Grand，部琴外面好靚，入面爛晒都得，啲維修費貴起上嚟可以買部新嘅Upright。」
我說：「咁大鑊。咁可以點算？」
主任說：「不如我帶你去試琴啦。」
我說：「你帶我去試琴？」
主任說：「係呀，買琴前一定要試彈。」
我說：「點試彈？」
主任說：「咪逐粒音試彈囉。」
我說：「彈咩？」
主任說：「彈唔同嘅作品，睇吓部琴處唔處理到唔同嘅觸鍵風格。」
我說：「咁要試幾多次？」
主任說：「最好試三次，分三日試。」
我說：「試咁多次？」
主任說：「有啲琴，尤其新琴，第一次得，第二次得，第三次可以唔得。」
我說：「咁都得？」
主任說：「所以咪要試清楚。」
我說：「咁你試琴收幾多錢？」
主任說：「哎呀，唔駛啦，我早前先帶喺你之前上堂嗰個小朋友同埋佢家長去試過。總之10月開學前，就到時間就得啦。」
我說：「嘩，多謝，咁你幾時得閒？」
主任說：「星期日，星期一。」
我說：「咁我send我嗰時間表俾你睇。」
主任說：「咁星期一啦，傍晚6點15分，我都係喺附近，陣間send過詳細嘅地址俾你。」
我說：「好，多謝。」
……
另一個我說：「知唔知咨詢專業人士意見可以逐分鐘收費呀？」
我說：「知。」
另一個我說：「呢次試琴應該收幾多錢？」
我說：「學費咁多掛？」
另一個我說：「平時學琴，你彈多過主任，而家試琴，主任彈多過你。」
我說：「咁加多個試琴費囉。」
另一個我說：「搭車過去唔計？」
我說：「咁加埋交通費啦。」
另一個我說：「係計來回交通費。仲有！」
我說：「仲有？」
另一個我說：「來回搭車啲時間唔計？」
我說：「唉，咁計埋啲交通時間費啦。」
另一個我說：「好，星期一試琴，學費、試琴費、來回交通費、交通時間費，埋單呀唔該。」
我說：「主知我缺錢，佢一早埋晒。」
發表新回應