「多讀經，誰想❓」
我想，主更想。
……
30/08/2021（一）22:00 家
BSF組長致電。
組長說：「你黎緊開學番幾多日？」
我說：「四日。」
組長說：「邊四日？」
我說：「星期一、二、三、四。」
組長說：「番幾點？」
我說：「夜晚七點至十點。」
組長說：「嘩，咁同BSF嘅時間撞晒喎。」
我說：「係呀？」
組長說：「BSF就係開星期一至四夜晚。」
我說：「咁唯有停一停，讀完呢兩年作曲再算啦。」
……
01/09/2021（三）09:42 WhatsApp
組長說：「你好，偉雄。我同teaching leader講過你嘅情況，佢話星期二有一個成人男仕查經班喺星期二夜晚十點開始，唔知你得唔得呢？」
我說：「唔好啦，因為番完音樂學校我好累，頂唔住。」
組長說：「嗯。」
我說：「或者唔知可唔可以繼續俾BSF戶口嗰權限我，咁我自己跟住BSF嗰指導去讀經？」
……
02/09/2021（四）01:38 WhatsApp
組長說：「完全明白。我同teaching leader再傾過，佢話你可以繼續留喺我嗰組，亦可以俾個戶口權限你，繼續跟BSF讀經。學期與學期之間，又或者改時間表，總之有時間嘅就可以中途加入我哋討論。」
我說：「嘩，非常感謝主同埋你。」
……
另一個我說：「嘩，你係VIP呀？」
我說：「唔係。」
另一個我說：「冇你查唔成經呀？」
我說：「冇埋你都一樣照查呀。」
另一個我說：「咁做咩要咁厚待你呀？」
我說：「因為我都想查經掛。」
另一個我說：「咁想查就唔會星期一至四都死晒去讀音樂啦。」
我說：「咁我都好想讀音樂呀嘛，星期日咪一直查緊經囉。」
另一個我說：「BSF係跨國組織黎架，有規有矩。啲聖經研讀材料係搵聖經學者好俾心機整架，都唔識尊重。」
我說：「我知，所以我都係問下主，問下組長睇吓得唔得嘅姐，唔得咁我都算架啦。」
另一個我說：「唔得你就繼續去讀音樂咋。」
我說：「哈哈，係呀，咁讀音樂，主都係度嘅姐。」
另一個我說：「你呢啲咁嘅人，都唔知點解主要咁厚待你？」
我說：「我諗原因可能係…」
另一個我說：「可能係咩？講啦！」
我說：「讀多啲經，我都想嘅，但係主就好想咁囉。」
發表新回應