「萬事都互相效力，曉得就看見❓」
信神行過去，才真正發現。
......
01/01/2021（五）12:00 坑口
下課，學生A和學生B離開。接著上課的學生C傳來WhatsApp短訊。
學生C說：「sorry，要遲十分鐘。」
我拿了鎖匙，去洗手間，回到門口時，
另一個我說：「仲有時間，過對面睇吓。」
我說：「你話新開嗰間音樂中心？」
另一個我說：「係呀，落地破璃，有兩套鼓嗰間呀。」
我行過對面，步入音樂中心。
職員說：「想學樂器？」
我說：「有冇catalogue？」
職員說：「有。我哋啱啱新開張，有冇興趣參觀吓？」
我說：「好呀。」
我尾隨職員。
職員說：「呢間房係學室樂嘅。」
職員說：「呢兩間係學琴嘅。」
職員說：「呢兩間係學鼓嘅，遲啲會有窗簾布。」
我說：「我就係俾鼓房嗰落哋破璃吸引過黎。」
職員說：「係呀？有啲學生又話唔鍾意俾人望住上堂。係啦，想學咩學器？」
我說：「多謝介紹，我考慮吓先。」
職員說：「介唔介意留低個電話，我whatsapp同你打個招呼，你考慮完想報，直接whatsapp報就得。」
我說：「我係附近做嘢，考慮清楚再過嚟。」
我拿著catalogue，離開音樂中心，回去上課。
......
01/01/201（五）13:15 坑口
下課了，我準備離開。
另一個我說：「睇吓張catalogue。」
我說：「好。嘩，唔係呀話？」
另一個我說：「咩事？」
我說：「有作曲 / 編曲錄音製作課程喎。」
另一個我說：「作曲 / 編曲，你下年都係音樂學校讀，專心啲啦。」
我說：「唔係呀，佢寫住話課程以Logic Pro 教授，學員最終可自製mp3。」
另一個我說：「Logic Pro，你一初唔係搵過Logic Pro課程嘅咩？」
我說：「課程好貴，仲要兩頭唔到岸，Logic Pro就教得嗰少少，音樂部分又半桶水。」
另一個我說：「所以主咪搵咗香港國際音樂學校教你音樂囉。」
我說：「學校音樂係教得好專業，但係冇Logic Pro學呢。」
另一個我說：「Logic Pro主咪介紹咗嗰YouTuber俾你囉。」
我說：「嗰Youtuber係好有心機拍咗好多片，但係好散亂，睇到我頭都暈。」
另一個我說：「咁呢個作曲 / 編曲錄音製作課程簡直係主為你度身訂造，行啦。」
.....
我步入音樂中心。
我說：「我想留低個電話，麻煩你Whatsapp我。」
職員說：「你對邊個課程有興趣？」
我說：「作曲 / 編曲錄音製作課程，用Logic Pro教嗰個。」
......
我說：「點解對面點解突然會開間音樂中心架？」
另一個我說：「我唔知，問音樂中心。」
我說：「音樂中心點解會有老師教Logic Pro架？」
另一個我說：「中心應該唔知，上堂直接問老師。」
我說：「你咩都叫我問第二個，咩都唔知，做咩叫我行過去對面音樂中心呀？」
另一個我說：「你學生自己講，sorry要遲到10分鐘呀嘛，你去完廁所，反正都係戇居居係度等架啦，我見對面落哋破璃裏頭套鼓咁正，咪叫你行過去睇吓囉。」
我說：「唔係，你一早知道主有預備，先叫我行過去嘅？」
另一個我說：「癡線。你唔行過去睇，鬼見到主有預備呀？係門口食風啦你！」
發表新回應