「你的靈魂，神何時召回❓」
隨時。
......
06/12/2020（日）13:15 小巴
我帶著皮皮、筒筒，乘搭小巴去西貢。
小巴路經白沙灣，我正在手機上的Pages打第327篇每週分享。
啪，一聲巨響。
小巴急急剎停，衝力巨大，我左手抱緊筒筒的貓袋，右手抓住皮皮的狗車。
前面沙塵滾滾，沙塵過後，視野清晰起來。
乘客A說：「嘩。」
前面看見一輛白色的私家車，白色私家車前右方是一輛消防車，消防車撞入右邊另一輛私家車。
司機說：「消防車底好似有架單車喎。」
乘客B說：「死啦，死啦，死梗啦。」
後面傳來人聲：「行啦。」
小巴緩緩駛過。
乘客C說：「駕消防車有雲梯架，全副武裝撞落去。」
司機說：「好似見到隻腳。」
乘客D說：「即係有人係條馬路度踩單車？」
乘客E說：「冇陰功囉，咁撞法，實死冇生。」
乘客F說：「渣車嗰個肯定洽眼瞓。」
司機說：「好彩我反應快，剎得切制。」
乘客G說：「如果唔係，撞死嗰個就係我哋。」
......
另一個我說：「你差啲就帶皮皮同埋筒筒番天家。」
我說：「係。」
另一個我說：「你仲咁後生。」
我說：「咁又點呀？」
另一個我說：「點會就咁就走架？」
我說：「點解唔會？」
另一個我說：「你而家先係當打之年，仲可以搵好多好多，慢慢儲埋佢，第時...」
我說：「第時？正蠢材，你根本就唔知自己幾時要走，儲埋儲埋俾邊個？」
發表新回應