「聖靈感動，如何回應❓」
行動。
…….
09/07/2021（五）22:30 牛頭角地鐵站
我從音樂學院坐巴士回家，下車前看看手機，在耶穌烘焙坊Signal群組，看見教友分享她的小學同學的女兒患上嚴重疾病，需要捐助和禱告。
我在創紀之城下車。
另一個我說：「幫吓佢，好冇？」
我說：「做咩要幫呀？」
另一個我說：「佢有病囉。」
我說：「收到啦。」
另一個我說：「咁點幫？」
我說：「禱告。」
另一個我說：「禱告啲咩？」
我說：「祈求神醫治。」
另一個我說：「醫治要錢嗰喎！」
我說：「你想我點幫呀？」
另一個我說：「我想你捐錢。」
我說：「但係我同嗰個妹妹三唔識七。」
另一個我說：「要識先捐得錢架？」
我說：「會唔會係詐病騙案呀？」
另一個我說：「都話你教友嘅小學同學囉。」
我說：「係我教友嘅小學同學，唔係我嘅小學同學呀。」
另一個我說：「咁捐定唔捐呀？」
我說：「夜麻麻。」
另一個我說：「用腳決定，你而家喺油站，右邊番屋企，左邊去牛頭角地鐵站。」
我說：「你想我而家行過去地鐵站呀？」
另一個我說：「全中，地鐵站有櫃員機，5分鐘到。」
我說：「捐幾多？」
另一個我說：「$1,000。」
我轉左，去到牛頭角地鐵站，用恒生銀行櫃員機，捐了款。」
另一個我說：「捐完感覺點？」
我說：「唔錯。」
另一個我說：「咁send上Signal嗰Group度。」
我說：「點解呀？都話咗施捨嘅時候，右手所做嘅，連自己隻左手都唔好俾佢知囉，而家仲要同全組人講？博掌聲呀？」
另一個我說：「成日顧住掌聲。」
我說：「咁唔係做咩要喺個Group度，話自己捐咗$1,000呀？」
另一個我說：「鼓勵其他人，根據聖靈感動，適時回應行動。」
……
09/07/2021（五）22:40 耶穌烘焙坊Signal群組
我說：「捐咗$1,000，為小妹妹禱告。」
發表新回應