「雞毛蒜皮的事，你會跟主商量嗎❓」
會，主耐性十足，事事關心。
…….
27/04/2024（六）2000 觀塘APM Log-on
我為期末作曲音樂會演出，選購太陽眼鏡。
另一個我說：「呢副幾好喎。」
我說：「睇下……係喎。」
另一個我說：「黑色粗框，四四方方，大大副，啱晒你嗰大頭仔。」
我說：「哎呀。」
另一個我說：「做乜？」
我說：「副眼鏡都貴貴哋。」
另一個我說：「做乜？唔捨得呀？唔捨得就咪學人攪藝術啦，攪藝術要錢架！」
我說：「哎呀。」
另一個我說：「做乜？」
我說：「有8折呀，不過最後一日。」
另一個我說：「咁買啦。」
我說：「哎呀。」
另一個我說：「又做乜？」
我說：「會員先有折。」
另一個我說：「你唔係會員，咁俾全費啦。」
我說：「哎呀。」
另一個我說：「哎呀完未呢？」
我說：「我阿妹喺會員。」
另一個我說：「哎呀……不過你嗰妹唔係度喎，俾全費啦。。」
我說：「問吓職員先。」
另一個我說：「仲有咩好問？職員係職員，唔係天使呀，死咗條心啦！」
…….
我走近職員。
我說：「今日會員有八折，可？」
職員說：「喺呀。」
我說：「咁出示會員電話號碼，會唔會有八折？」
職員說：「唔好意思，唔會。」
我說：「哦……」
……
另一個我說：「係咪攞嚟樣衰呀？」
……
職員說：「不過，可以用會員QR Code。」
我說：「會員QR Code？」
職員說：「你係咪會員？」
我說：「唔係。」
另一個我說：「咁係咪你朋友係會員？佢冇黎？」
我說：「係呀，其實我妹妹係會員。」
另一個我說：「咁你叫你妹妹WhatsApp佢嗰會員QR Code俾你就得啦。」
我說：「感謝。」
……
我立即致電妹妹，取得會員QR Code，八折購入太陽眼鏡。
……
另一個我說：「咁都得。」
我說：「職員都話得。仲有咩唔得？」
另一個我說：「我唔係話職員。」
我說：「咁你話邊個？」
另一個我說：「我話主呀。」
我說：「主有咩唔得架？」
另一個我說：「我意思係，你要買副太陽眼鏡表演呢啲咁嘅小兒科，主點會聽？點會理你？」
我說：「主而家打咗個八折俾我喎。」
另一個我說：「主唔想聽你呢啲雞毛蒜皮嘅嘢。」
我說：「關你咩事啫？又唔係要你聽。」
另一個我說：「主做大事架。」
我說：「而家主唔單止俾時間心機聽我講話太陽眼鏡貴，仲打咗嗰八折俾我。」
另一個我說：「唔該你唔好再煩住主，得唔得呀？」
我說：「唔該你唔想聽就唔好再煩住我呀，阻住我同主講嘢。」
發表新回應