「主安插的天使，如何找到❓」
主動走近，開口尋問。
……
11/04/2024（四）18:00 香港演藝學院作曲及電子音樂室
作曲老師離開，同學進來。
我說：「真係想死。」
同學說：「做乜？」
我說：「我假期前準備嗰堆音樂，拍嗰條片，全部唔過。」
同學說：「唔過即係…」
我說：「重做。」
同學說：「嘩。」
我說：「而家重新拍過條片，老師話要打燈，我得枱燈咋。」
同學說：「咦，我啱啱買咗兩枝燈，可以變色，我攞俾你用。」
我說：「真係？正！唔好咁麻煩啦，我直接去你嗰度拍啦，得唔得？」
同學說：「可以。」
我說：「要買定一疊A4紙，同埋一個紙箱。」
同學說：「我幫你，唔好搬。」
我說：「感謝，PayMe找數。」
……
16/04/2024（六）1300 同學Studio
準備拍攝的時候…..
我說：「哎呀，有冇膠紙？」
同學說：「冇喎，樓下有文具鋪，落去買。」
我們到樓下文具店買了膠紙。
……
一會兒後……
我說：「哎呀，唔知點樣Set好部機？」
同學說：「我都唔識。」
我說：「點算？」
同學看看手機。
同學說：「呀，等一陣。」
我說：「等咩？」
同學說：「等我嗰攝影朋友，佢番緊黎，佢應該識。」
朋友到達，Set好拍攝腳架。
……
一會兒後……
我說：「哎呀，我突然記得老師話我部I-phone 12相機太落後，畫面好難睇。」
朋友說：「不如用我嗰部啦。」
我說：「你嗰部係？」
朋友說：「I-phone 14。用最高清嗰個Mode錄。」
……..
一會兒後……
我說：「哎呀，陣間拍嗰條片，我要做同一個動作100次。」
同學說：「你劃正字。」
我說：「梗係唔得啦，我又拍又劃，實計錯數。」
同學說：「我可以Download嗰App幫你計。」
我說：「感謝。」
…….
16/04/2024（六）1815 同學Studio
影片成功拍完。
…….
另一個我說：「你快啲話我知。」
我說：「我有乜嘢你唔知架？」
另一個我說：「唔好咁多嗲，我問你就答。」
我說：「問啦。」
另一個我說：「你點搵到佢哋架？」
我說：「佢哋係邊個？」
另一個我說：「班天使呀。」
我說：「邊班天使？」
另一個我說：「幫你嗰個同學呀。」
我說：「咪主安排我哋一齊讀演藝作曲系，番學嗰陣我同佢傾計識嗰囉。」
另一個我說：「咁你同學嗰攝影朋友呢？」
我說：「咪主安排我去同學度拍片，撞啱佢番黎，我求佢幫手Set機嗰陣識嗰囉。」
另一個我說：「叫你拍片，製造誘因嘅俾你哋認識嘅作曲老師呢？」
我說：「咪開學嗰陣，主安排系主任通知我，主修老師嘅聯絡方法，我主動去打招呼認識嗰囉。」
另一個我說：「點解主咁偏心，淨係安排天使幫你，一個都咁安排俾我？」
我說：「點會呀？你幾時移民搬咗去無人島住呀？我唔知嘅。」
另一個我說：「我仲喺香港，而家同你面對面講緊嘢呀。」
我說：「咁冇理由架。」
另一個我說：「點會冇理由？事實擺在眼前，主一個天使都冇安排俾我，偏心到死。」
我說：「咁你喺香港見到人嗰陣，有冇主動行埋去，開口去結識佢哋呀？」
另一個我說：「冇啦啦走埋去講嘢，人哋以為我神經。」
我說：「咁咪參加啲活動，行埋去一啲有共同興趣嘅人度講嘢，正常啦掛？」
另一個我說：「佢唔睬我咪好樣衰！」
我說：「哦，咁你祈禱命令主安排班天使走埋黎認識你囉。」
另一個我說：「我點敢命令主呀？我係僕人嚟架咋。」
我說：「吓？乜有僕人會好似你咁大排，等主派天使主動過嚟招呼自己嘅咩？」
發表新回應