「互相配合，是你情我願❓」
更是，主的計劃，我的尋求。
……
11/01（四）09:00 HKAPA EMS
作曲課
老師說：「呢堂係呢個學期嘅最後一堂。」
我說：「係呀。」
老師說：「咁上埋呢堂就下學期見啦。」
我說：「咪住。」
老師說：「咩事？」
我說：「我想問可唔可以繼續上堂？」
老師說：「但係學校有規定一個學期上幾多個鐘嗰喎。」
我說：「可唔可以透支下學期嘅上堂時間？」
老師說：「除非有特別原因，同埋大家就到時間啦。」
我說：「我有特別原因。」
老師說：「咩原因？」
我說：「我選中咗為林大師嘅音樂會作曲。」
老師說：「幾時交譜？」
我說：「四月頭開始練。三月要交譜架啦，仲要搵樂手，Audition。」
老師說：「咁而家要開始作嗰囉喎。」
我說：「係呀，但係我一個攪唔惦。」
老師說：「明白啦。咁時間方面？」
我說：「學校Winter Term，冇堂上，會繼續作曲，你有冇時間？」
老師說：「唔……」
我說：「你要出國表演呀？」
老師說：「唔……又會咁啱嘅。」
我說：「咁啱撞咗你表演時間呀？」
老師說：「咁啱我啲表演都係下年5月先開始，到時我都要離開香港。其實我都想問你繼唔繼續上堂架啦，咁到時就唔駛補堂。」
我說：「繼續。」
老師說：「2月23號，星期二，朝早9點，你得唔得？」”
我說：「Yeah，無問題，到時見。」
……
另一個我說：「點解你未問你Major老師得唔得閒，就報名參加林大師嘅音樂會，去作曲呀？」
我說：「報名條件都冇話要Major老師得閒。」
另一個我說：「報名條件冇寫，唔代表你可以咁魯莽。」
我說：「林大師呀！」
另一個我說：「林大師咁又點？」
我說：「有機會為林大師嘅音樂會作曲，仲等呀？梗係報咗名先啦！蘇舟過後冇艇搭。」
另一個我說：「你好彩，一年級第一學期，都俾學校選中你為林大師音樂會去作曲。仲要死好命，你老師肯陪你癲，Sem Break假都唔放，不過你情我願，無計啦。」
我說：「唔止你情我願。」
另一個我說：「仲有咩呀？」
我說：「仲有我呀！我唔求問，點知我老師得閒呀？」
另一個我說：「你老師都話想問你架啦。」
我說：「而家客觀事實，係我求問咗先知。不過呢單嘢都唔係我求問就成事！」
另一個我說：「又係主呀？」
我說：「你越嚟越聰明！唔係主，乜你認為我呢個一年級第一學期嘅作曲初哥，會獲選為林大師音樂會作曲咩？」
另一個我說：「唔會。」
我說：「唔係主，乜你認為我老師嘅表演會預先安排好喺下年5月咩？」
另一個我說：「都唔會。」
我說：「你真係越嚟越聰明！」
另一個我說：「即係冇嘢唔係主啦。」
我說：「呀，你真係越嚟越聰明！」
發表新回應