「見證，預備幾時講❓」
隨時。
......
23/02/2021（二）香港國際音樂學校
合唱團課堂
副校長說：「下個禮拜係福音週...」
.....
另一個我說：「聽唔聽到副校長講咩呀？」
我說：「聽到，下個禮拜係福音週呀嘛。」
另一個我說：「一陣小休同副校長講。」
我說：「講咩呀？」
另一個我說：「問副校長可唔可以下個禮拜喺合唱團度介紹你嗰基督徒網頁 - 耶穌烘焙坊。」
我說：「咁突然？我都冇預備問！」
另一個我說：「問嗰問題有咩要預備呀？叫你問就問啦。」
......
小休時間。
我說：「副校長，下個禮拜福音週，我想同成班同學介紹我攪嘅基督徒網頁。」
副校長說：「嗰網頁點架？」
我把手提電腦轉向副校長。
我說：「嗰網頁係咁嘅。」
副校長看了一會兒。
副校長說：「嗰網頁攪掂未？」
我說：「未攪惦，發展中。」
副校長說：「咁攪惦再講啦。」
......
我說：「拿，問咗啦。」
另一個我說：「你forward你啲每週反思俾副校長，等副校長多啲認識吓嗰網頁攪咩。」
我說：「Forward黎做咩？你咪發夢，嗰網頁係唔會趕得切下個禮拜福音週之前攪掂架！」
另一個我說：「叫你forward就forward啦。」
星期日我轉載本週反思給副校長。
......
01/03/2021（一）15:55 WhatsApp
WhatsApp 傳來短訊。
副校長說：「黎緊今個禮拜福音週，我想邀請你聽晚同合唱團嘅同學講見證。到時你都可以同成班同學介紹下你耶穌烘焙坊嗰網站。我相信呢個係見證我哋主耶穌基督嘅好時機。」
我說：「感謝，我接受邀請。詳情點做，麻煩你到時候通一通知我。」
副校長說：「我想你係15分鐘之內講.....」
......
我說：「又話網頁未攪惦唔得嘅？」
另一個我說：「副校而家咪話得囉。」
我說：「但係嗰網頁都未攪掂？」
另一個我說：「神話得就得架啦。」
我說：「但係副校話，聽晚就要講...」
另一個我說：「咁你咪聽晚講囉。」
我說：「仲要得15分鐘，都係問吓副校先啦。」
另一個我說：「仲有咩要問？」
我說：「問吓副校點解原本話未得，突然聽晚又話得？」
另一個我說：「唔關你事，講見證啦。」
我說：「見證，唔係話講就講架？」
另一個我說：「距離聽晚合唱團仲有24小時，預備啦。」
發表新回應