「討主喜悅，可以點做❓」
放下自己的面子。
……
18/11/2023（六）14:00 觀塘東廣場吉野家
室外座位
我說：「食咩？」
媽媽說：「打邊爐，再加一個牛肉飯。」
我說：「好呀。」
……
我買餐回來，女士停下來。
女士說：「隻狗狗咁乖，坐喺架寵物車度唔吠。」
媽媽說：「係呀。」
女士說：「隻貓貓都好乖，坐喺張凳度唔郁，等你哋打邊爐。」
媽媽說：「係呀。」
女士笑著離開。
我說：「阿媽，你幾時有買寵物車呢個念頭架？」
媽媽說：「有一日，我同你老豆帶皮皮出街。我同你老豆講話，皮皮一見商場入口就衝埋去，我想話帶皮皮行APM。」
我說：「狗可以入商場嘅咩？」
媽媽說：「我唔知喎，所以咪想話試下囉，點知你老豆又話唔好試。」
我說：「點解唔好試？可能APM俾呢？」
媽媽說：「咪係囉。」
我說：「真係唔得，最多咪俾保安趕。」
媽媽說：「你老豆唔俾得人當眾趕走，樣衰喎。」
我說：「咁冇去APM呀？」
媽媽說：「我睬佢都傻，照去，我唔怕俾實Q趕，趕咪扯囉。」
我說：「你唔怕冇面？」
媽媽說：「冇面有幾咁唔閒，皮皮開心緊要。」
我說：「最終去到APM，有冇俾實Q趕？」
媽媽說：「有呀。嗰實Q叫我抱起皮皮，我一抱起皮皮，就有個女人走埋嚟同我講，叫我買番部寵物車，咪可以帶皮皮入商場囉。」
我說：「就係咁，你就買咗寵物車啦。」
媽媽說：「無錯，好似你老豆咁死要面，皮皮都幾難開心，呢世都唔駛旨意入到商場。」
……
另一個我說：「你做乜嗰個禮拜寫分享？」
我說：「主喺聖經成日叫信徒傳福音，主想多啲人認識佢。」
另一個我說：「你寫啲嘢啲人唔啱聽，咁點算？」
我說：「我講我自己嘅反思咋喎，點會唔啱聽呀？」
另一個我說：「講者冇心，聽者有意，唔得呀？」
我說：「咁佢一喺就唔理我，一喺就Block我，最多咪當面鬧我。」
另一個我說：「咁咪好冇面。」
我說：「我冇你咁要面。」
另一個我說：「你估我唔講嘢，主就傳唔到福音呀？」
我說：「主創造天地萬物都得啦，點會傳唔到福音呀？」
另一個我說：「咪係囉。」
我說：「係咩呀係？主傳唔傳到福音關你咩事？咪喺度混淆試聽，而家主係要你，係想你去傳福音呀，已經冇限制你點傳啦，淨係叫你傳咋。」
另一個我說：「我唔想冇面，我唔講呀，我淨係想靜心享受與主同樂啫。」
我說：「主對住你呢嗰死要面，都幾難開心，福音呢世都唔駛旨意由你把口度傳到出去。」
發表新回應