「觸動人心的，是神還是人❓」
接觸的是人，感動的是神。
……
30/10/2023（一）18:30 香港國際音樂學校琴藝坊
鋼琴課下課。
老師說：「你係咪有作曲發佈會？」
我說：「係呀。」
老師說：「幾時？」
我說：「11月26號，夜晚8點，你有冇時間同興趣嚟聽？」
老師說：「會抽時間。除咗你，仲有冇其他同學發佈？」
我說：「不如我send d宣傳資料俾你。」
老師說：「好。」
老師看過宣傳海報和短片。
老師說：「我發覺幫你嘅兩位彈琴嘅都係我學生，聽一聽佢地彈成點，執一執會唔會好d？」
我說：「冇得再執啦，所有練習完晒。」
老師說：「唔係你執，我執。」
我說：「真係架？幾時？」
老師說：「其實冇得大執，只係上堂有時間淨嘅話，叫佢哋彈俾我聽下，俾少少意見啫。」
我說：「你OK，佢哋OK，梗係好啦。」
老師說：「咁我問問佢哋啦。」
我說：「多謝晒。」
……
另一個我說：「你收買咗佢呀？」
我說：「講咩呀？咁難聽？」
另一個我說：「你係咪額外俾咗錢你嗰鋼琴老師？」
我說：「冇呀。」
另一個我說：「冇，佢又主動幫你？」
我說：「我話佢知我有作曲發佈掛？」
另一個我說：「得你一個作曲發佈呀？仲有兩個同學架。」
我說：「嗰兩個同學唔係佢鋼琴學生呀嘛。」
另一個我說：「你係佢學生，佢就要主動幫你？佢得你一個學生呀？」
我說：「梗係唔係啦，我只係上堂認識老師，係主引導老師睇到我有需要，感動老師主動幫我。」
發表新回應