「長貧，誰關顧❓」
滿有耐性和能力的主。
…….
18/09/2023（一）07:31 日本語講座普通二年A班WhatsApp Group
同學A說：「大家早晨！我今朝做檢測，遲來嘅兩線終於駕臨! 又要麻煩同學幫手錄音啦。」
同學B說：「早晨各位，今日肚仔唔舒服，上唔到堂。」
同學C說：「幫晒你哋錄音，冇問題。」
……
我說：「咁我都問啦。」
另一個我說：「問咩？」
我說：「問吓同學可唔可以幫我錄音囉。」
另一個我說：「咪話今堂冇問題囉。」
我說：「但係我喺要堂堂錄。」
另一個我說：「點解？」
我說：「星期一我演藝番下晝1點，日文就上朝早10點到下晝1點，我中午12點走先趕得切。」
另一個我說：「咁12點至1點嘅日文堂點算？」
我說：「所以咪問下同學可唔可以幫手堂堂錄音。」
另一個我說：「梗係唔得，自修啦。」
我說：「自修得嘅，我唔駛俾錢黎上堂啦。」
另一個我說：「咁轉班啦。」
我說：「我試過轉其他班，但係我覺得呢班嗰日文先生嘅教法我最接受，而且早堂我最精神，吸收得最好，我都係問同學幫手。」
另一個我說：「都話唔得囉，你唔係錄一堂半堂，係堂堂錄，長貧難顧呀！」
我說：「主都未話唔得，幾時輪到你話唔得呀？你當咗自己係主呀？我又唔係問你，我問同學咋嘛。」
另一個我說：「我好心，廢事你食檸檬咋。」
我說：「我都唔怕酸，你怕就番歸啦。」
……
18/09/2023（一）07:31 日本語講座普通二年A班WhatsApp Group
我向同學解釋我的情況和需要。
我說：「唔知可唔可以，每堂12點至1點幫我上堂錄音？」
同學C說：「每堂幫你錄音，冇問題。」
我說：「唔該晒，感謝。」
同學C說：「不過你要問咗Miss俾唔俾先囉。」
我說：「好。」
……
18/09/2023（一）10:30 日本文化協會日本語講座普二A班課室
我向老師解釋我的情況和需要。
老師說：「你嘅情況我明白晒啦。」
我說：「咁唔知可唔可以，每堂12點至1點錄音呢？」
老師說：「可以。」
同學C說：「咁我每堂12點開始幫你錄啦。」
我說：「唔該晒。」
同學C說：「麻煩你俾個Email我。」
我說：「Email？」
同學C說：「係呀，啲錄音會放喺Google Drive到，你自己上去Download。」
我說：「好。」
……
另一個我說：「堂堂錄呀，真係癡線，睬你都傻。」
我說：「下？睬我嘅同學好正常喎。」
另一個我說：「長貧都有得顧？」
我說：「老師首肯，同學願意，有手機，有Google Drive，咪有得顧囉。」
另一個我說：「邊個會有耐性同埋能力，嗰個禮拜一朝早叫郁班老師同學，堂堂關顧你呢個長期麻煩友呀？」
我說：「梗係主啦，唔信就入Google Drive睇下啦，唔係主唔通係你咩？又急又廢。」
發表新回應