本週反思#272💬

本週反思#272💬

「主無處不在，你信嗎❓」

信，就處處求問。

……

07/03/2023 (二) 12:00

我跟老師提及校友合奏計劃。

我說：「校友合奏計劃，我攪咗個WhatsApp社群，邀請有興趣嘅同學加人。」

老師說：「好。」

我說：「不過，作曲組一直都仲未搵到人。」

老師說：「正常，作曲最煩。」

我說：「但係得我一個作曲唔惦，嗰組嘅運作係由作曲領導。」

老師說：「都冇計架。」

我說：「有計，上個禮拜日有同學建議話加開編曲組。」

老師說：「都可以。」

我說：「我已經草擬咗編曲嘅條款，想你俾啲意見我。」

老師說：「講黎聽下。」

我說：「我寫話，只可以揀死咗50年或以上嘅作曲家嘅曲黎重編，避免觸犯版權。」

老師說：「唔好。」

我說：「點解？」

老師說：「咁咪起碼近100年嘅曲都唔駛編？」

我說：「100年？」

老師說：「生50年，死50年，咪成100年。」

我說：「係喎，咁點算？」

老師說：「你而家有冇邊首曲想編？」

我說：「Jingo。」

老師說：「邊個作？」

我說：「Christopher Norton，佢未死。」

老師說：「問Norton攞版權。」

我說：「點問呀？佢住邊我都唔知。」

老師說：「搵Norton嘅Facebook，再搵佢Email出嚟。」

我說：「咁都得？」

老師說：「搵啦。」

我上Christopher Norton的Facebook，搜尋一番。

我說：「搵到啦。」

老師說：「Send Email問佢攞版權。」

我說：「Norton點會肯騷我呀？」

老師說：「寫啦。」

我說：「哦，咁點寫？」

老師指導一下。

我寫好，寄出電郵。

…….

07/03/2023 (二) 17:11 電子郵箱

手機彈出電郵提示。

另一個我說：「Check Email。」

我打開電郵。

訊息說：「Permission granted. If you can, let me hear what you’ve done with it. Very best wishes, Christopher Norton.」

另一個我說：「翻譯。」

我說：「你獲得授權。可以嘅話，俾我聽吓你編好嘅版本。祝順利，Christopher Norton。」

另一個我說：「Christopher Norton？」

我說：「係呀。」

另一個我說：「真係講都冇人信！」

我說：「佢冇講，佢寫。」

另一個我說：「專駁嘴。Norton寫嘅曲列入ABRSM八級鋼琴考試範圍，咁叻嘅美國作曲家，騷你？你知唔知自己乜水？」

我說：「而家連Norton都知我係乜水，我自己點會唔知？」

另一個我說：「Norton點會知你係乜水？」

我說：「我Email介紹自己，Norton咪知囉。」

另一個我說：「你點介紹自己呀？你話你係2005年開始學鋼琴，攪到2023年都未考到ABRSM八級琴嘅廢柴呀？」

我說：「我同佢講話，我係香港國際音樂學校作曲文憑二年級生。」

另一個我說：「你嗰廢柴，知唔知醜架你？如果唔係主，Norton會騷你？」

我說：「我覺得我自己好醒喎。」

另一個我說：「你好醒？」

我說：「係呀，我醒嘅地方就係，我相信主無處不在，相信有主就有機會。我一收到提示，就遠到美國都照send email求問。我唔問，Norton點覆我呢？」