「怎樣的見證，最動人❓」
自身的活見證，最觸動旁人。
…….
17/01/2022（一）12:30 葵芳新都會廣場
我跟朋友聚餐。
朋友說：「我哋成年幾冇見啦。」
我說：「係呀，成年幾冇見。」
朋友說：「上次見你嗰陣，你仲話報名讀音樂。」
我說：「係呀，嗰陣報高級證書，而家作曲文憑第一年。」
朋友說：「時間過得好快。」
我說：「係呀，我想分享吓我呢段學習時間嘅一啲小創作，有冇興趣聽吓？」
朋友說：「好呀。」
我查看手機，找出一條聲音檔。
我說：「呢首係，啱啱上個禮拜作嘅Jazz。」
朋友說：「聽落好豐富喎，好多樂器架？」
我說：「唔係，三樣樂器咋嘛。」
我再查看手機，找出另一條聲音檔。
我說：「呢首係，第一學期mid-term作嘅Program Music。」
朋友說：「聽落中間好似突然一個好大嘅轉變咁喎。」
我說：「嗰故事係有個轉捩點嘅。」
我再查看手機，再找出另一條聲音檔。
我說：「呢首係，用Logic Pro X重編過嘅流行音樂。」
朋友說：「好有節奏感。」
我說：「我就係學用Logic重編過嗰Drum Set。」
我再查看手機，再找出另一條聲音檔。
我說：「呢首係，遲啲會用嘅讀經音檔。」
朋友說：「點整？」
我說：「喺Logic揀條Apple Loop，加啲effect，開咪錄音，再Bounce出嚟，攪惦。」
我再查看手機，再找出一條短片。
我說：「呢首係，最近嘅鋼琴試奏錄影。」
朋友說：「聽起黎好似聖詩。」
我說：「係聖詩。」
朋友說：「你彈得幾輕快。」
我說：「多謝，分享住咁多先，其他喺部電腦到。」
朋友說：「點解你會做到咁多嘢？」
我說：「有好好分配時間，而且有band房，可以專心練習。」
朋友說：「點解你可以堅持到？」
我說：「堅持到啲咩？」
朋友說：「我上次見你，你先話報名讀音樂。點知你真係一直讀，仲做到啲嘢出嚟添，點堅持到架？」
我說：「主囉。」
朋友說：「……」
我說：「你知我信主架！」
朋友說：「但係你唔會有一刻懷疑，唔知仲繼唔繼續好嘅咩？」
我說：「會。」
朋友說：「咁你又堅持到？」
我說：「主囉。」
朋友說：「……」
我說：「我信主支持我讀音樂架嘛，事實真係咁呀。」
朋友說：「你激勵咗我。」
我說：「激勵咗你啲咩？」
朋友說：「我而家都好想重新好好安排我啲時間，調整一下我嘅發展方向。」
我說：「好呀，搵主啦，主幫到你呀。」
發表新回應