本週反思#207💬

「立即見主，可以嗎❓」

可以，因為我已時刻跟從主。

……

一年一度植髮跟進檢查。

18/12/2021（五）09:30 植髮診所

醫生說：「唔……」

我說：「點呀醫生？」

醫生說：「過去一年，我同你講嗰啲，你有冇照做呀？」

我說：「有。」

醫生說：「做咗啲咩？」

我說：「朝朝起身查營養液，晚晚瞓覺查倍健。」

醫生說：「仲有冇？」

我說：「食男性荷爾蒙藥，一個禮拜兩次。」

醫生說：「仲有冇？」

我說：「照Laser Cap，一個禮拜三次，每次半個鐘。」

醫生說：「仲有冇？」

我說：「保持身心健康，我上一年都過得好開心。」

醫生說：「係咁多啦？」

我說：「係呀，你係叫我做咁多咋，我盡力照做架啦。」

醫生說：「做得好，你睇吓上年同今年啲相。」

我說：「吓，有咩唔同？」

醫生說：「就係冇咩唔同，好多人植完髮每年番黎檢查，都有執頭髮都唔見咗，你就冇咩分別，即係全部頭髮都仲係度，咁已經係非常好。」

我說：「正。」

醫生說：「其實細緻啲睇，係有啲唔同。」

我說：「有啲咩唔同？」

醫生說：「頭髮顏色唔同。」

我說：「睇吓先，今年啲頭髮顏色好似黑咗少少。」

醫生說：「睇到啦，你保得住啲頭髮，已經係好；啲頭髮仲竟然可以黑番轉頭少少，係非常好。」

我說：「正，多謝醫生。」

醫生說：「繼續跟住我指示做，下年再番黎檢查。」

我說：「好，醫生，下年見。」

……

另一個我說：「下年見醫生，有冇信心？」

我說：「有。」

另一個我說：「你肯定下年見醫生結果同今年一樣咁好？」

我說：「唔肯定。」

另一個我說：「咁你仲咁有信心見醫生？」

我說：「因為我有一樣嘢肯定。」

另一個我說：「你肯定嗰樣嘢係咩？」

我說：「我肯定我信醫生，會繼續盡力跟醫生指示做。」

另一個我說：「咁就得架啦？」

我說：「咁就得架啦，有咩事咪搵醫生囉。」

另一個我說：「下年見主，有冇信心？」

我說：「有。」

另一個我說：「你又有樣嘢肯定呀？」

我說：「係呀，我肯定我信主，有盡力跟隨主。」

另一個我說：「盡力跟隨主做過咩？」

我說：「反思咪寫咗好多囉，冇睇咩？」

另一個我說：「咁就得架啦？」

我說：「咁就得架啦，主自己話信佢，跟從佢就得架啦。」

另一個我說：「咁唔好等下年啦，即刻見主，得唔得？」

我說：「得。」

另一個我說：「即刻都得，準備好啦？」

我說：「吓！仲要咩準備呀？我已經由朝到晚跟住主囉喎。」