「我心是否以主為恥❓」
若不，何不當眾宣之於口？
……
28/06/2021（一）17:00 家
我說：「好，係咁多，下堂見。」
學生說：「唔該，葉sir。」
我說：「阿媽，知唔知蚊怕水係邊？」
媽媽說：「電視隔離嗰架，第二格。」
我拿出蚊怕水，噴勻全身。
學生說：「葉sir，做咩噴蚊怕水？」
我說：「我番音樂學校，音樂學校好多蚊。」
學生說：「音樂學校係邊架？」
我說：「慈雲山附近。」
學生說：「慈雲山好多蚊架？」
我說：「半山呀嘛，又花又草，仲要今日落雨。」
學生說：「哦。」
我說：「好啦，係咁啦。」
…..
媽媽說：「等陣，你唔係不嬲都跟開一個老師私人學音樂嘅咩？」
我說：「係呀。」
媽媽說：「而家仲有冇跟？」
我說：「而家冇呀。」
媽媽說：「做咩唔繼續跟，佢教得唔好咩？」
我說：「佢教得好好。不過佢讀作曲，淨係教我和聲，我想全面咁學。」
媽媽說：「咁都唔駛番音樂學校架？」
我說：「要。」
媽媽說：「點解？」
我說：「神帶我番音樂學校嘅。」
媽媽說：「吓？耶穌帶你去？」
我說：「有咩咁出奇？我上年10月入學咪同你講過囉。你淨係顧住反對，冇聽過我講嘢。」
媽媽說：「咁你第時係咪可以教音樂？」
我說：「今年高級證書第一年咋，畢到業先講啦。」
媽媽說：「咁又係，萬一你畢到業，咁你會唔會教音樂？」
我說：「唔知喎，睇吓神想點。」
媽媽說：「又關耶穌事？」
我說：「我讀音樂，由始至終都係耶穌，係咁啦。」
我和學生一同離開。
……
另一個我說：「知唔知自己係老師？」
我說：「知呀。」
另一個我說：「知唔知自己教大學？」
我說：「知呀。」
另一個我說：「知唔知學生未走？」
我說：「知呀。」
另一個我說：「知你仲大大聲講話，耶穌帶你番音樂學校？」
我說：「事實係咁。」
另一個我說：「仲話連第時畢業教唔教音樂都要問耶穌？」
我說：「咁我真係會咁問呀嘛。」
另一個我說：「你阿媽會點睇你？」
我說：「阿媽日日見，仲理佢點睇？仲睇唔夠呀？」
另一個我說：「唔理阿媽就算啦，咁你學生會點睇你？」
我說：「佢冇講嘢，我唔知佢點睇。」
另一個我說：「你學生唔講嘢唔代表佢冇睇法，佢可能當你係癲架。」
我說：「咪由佢囉，好閒姐。」
另一個我說：「好閒？你嘅專業形象黎架！」
我說：「你咁擔心做咩？你怕耶穌破壞我嘅專業形象呀？你以耶穌為恥咩？」
發表新回應