「若身邊的關係已無人能助，是否絕望❓」
主若願意，可以運用你身邊的關係的關係來提供協助。
......
另一個我說：「想攪個基督徒網頁呀？」
我說：「係呀，不過我唔識寫網頁。」
另一個我說：「你唔識，你身邊有個人可能識？」
我說：「邊個？」
另一個我說：「跟你學過英文、查過經既浸大學生兼教會弟兄Michael呀。」
我說：「係喎，Michael讀電腦個喎。」
......
31/08/2020（一）09:43 WhatsApp
我把網頁的目錄傳送給Michael。
我說：「Michael，早晨，你可唔可以幫我整個網頁呀？」
Michael說：「我返去今晚嘗試一下。」
我說：「多謝。」
Michael說：「我記得另一個朋友以前介紹我用wix去整，我返去試下先。」
......
02/09/2020（三）08:58 WhatsApp
我看到Michael製作的網頁初型，然後提出五點改動。
Michael說：「好嘅，我會盡力試試。」
我說：「唔駛急，慢慢試，為你祈禱。」
......
10/09/2020（四）14:11 WhatsApp
我轉發了一個網站給Michael參考。
......
12/09/2020（六）11:41 WhatsApp
Michael說：「我嘗試問班上嘅朋友，可唔可以用program嘅方法去寫你個網頁。朋友話想要事先了解你嘅網頁喺咪想喺電腦同埋電話上都方便睇到？」
我說：「係，謝謝。」
......
另一個我說：「Michael自己一個攪唔攪得掂架？」
我說：「問我有鬼用咩，問神啦！」
另一個我說：「你咩鬼都問神，你廢架？」
我說：「電腦呢加野，Michael攪唔掂，唔通我會攪得掂呀？」
另一個我說：「Michael攪唔惦，點算？」
我說：「我點知點算呀？玩完掛？祈禱啦。」
......
12/09/2020（六）18:55 WhatsApp
Michael說：「不如夾一日，我哋一齊同埋我嗰班都係讀電腦嘅朋友，約個時間見個面？」
我說：「幾多人？」
Michael說：「你同我同我朋友。」
我說：「見個面可以，但我建議不如喺WhatsApp開個聊天室，一路整網頁一路傾。」
Michael說：「好提議。我朋友話電腦同電話掛牌都做到。如果你睇唔明，可以問佢。佢都係喺浸大讀電腦，有寫網頁經驗，佢用program寫，冇咩限制；我用wix去寫，比較多限制。」
我說：「謝謝。」
Michael說：「唔洗客氣，我自己真係唔識，而家一邊幫手，一邊學寫program。」
Michael開啟了WhatsApp聊天室。
......
另一個我說：「又俾你過一關。」
我說：「感謝主。」
另一個我說：「耶穌真係唔講得笑，你攪唔掂，搵你個教友Michael幫手；Michael攪唔掂，搵你個教友個朋友幫手。 耶穌喺Facebook係咪開咗個account，專用黎搵人架？」
我說：「你自己search下囉。不過耶穌要搵人，犀利過Facebook都得啦。」
另一個我說：「有幾犀利？」
我說：「如果主願意，唔駛等對方喺Facebook註冊，直接搵你個教友個朋友個媽媽個同學個仔仔個表哥過嚟幫手都得呀。」
回應
你呢個唔係blog咩🤔…
你呢個唔係blog咩🤔？個版面同十幾年前xanga有乜分別😅
Agree萬事互相效力
Agree
萬事互相效力
發表新回應