本週反思#161💬

「提出新計劃，神沉默回應，怎麼辦❓」

試行一步。

......

2020年8月尾，某天。

Maggie說：「我有個諗法，想攪個基督徒既網頁......，好唔好呀？」

我說：「好主意呀，我都想攪呀。」

.....

另一個我說：「想攪就落筆草擬個網頁目錄黎睇吓。」

我說：「咩網頁目錄呀？」

另一個我說：「網頁目錄即係一啲標題，簡介一下網頁有咩內容呀，寫啦！」

我說：「唔寫住。」

另一個我說：「點解？」

我說：「祈禱問吓神先。」

另一個我說：「問咩？」

我說：「問吓神，佢贊唔贊成攪網頁。」

另一個我說：「咁神點答你？」

我說：「神冇答我。」

另一個我說：「咁神有冇阻你？」

我說：「都冇阻我。」

另一個我說：「冇阻你咪試行一步囉。」

我說：「嘩，試行落筆寫好咗個目錄，神先話唔得咁點算？」

另一個我說：「唔得咪改囉。」

我說：「改完神都係話唔得呢？」

另一個我說：「再話唔得咪再改囉。」

我說：「自己一個人根本無能力改到神話得呢？」

另一個我說：「咁咪求神搵人幫手再再再改囉。」

我說：「改黎改去神都話唔得呢？」

另一個我說：「咁咪改變計劃囉。」

我說：「既然最終神有可能會唔接納我個新計劃，我一開始仲試行寫個目錄出黎做咩？」

另一個我說：「既然而家神都冇講過要否決你個新計劃，你仲唔開始試行寫個目錄出嚟，究竟喺度做緊啲咩？」