「你如何迎接貴賓呢❓」
把貴賓討厭的東西全部丟掉。
......
17/01/2020（五）16:00 家
另一個我說：「執下個上架床啦。」
我說：「唉，我好忙。」
另一個我說：「你搬入黎開始，都未認真執過上格床，張床褥發晒毛，有陣唔知咩臭味。」
我說：「我幾時搬番黎呢度？」
另一個我說：「2006年，今年2020年，你14年黎都冇執過。」
我說：「遲D先啦。」
另一個我說：「愛你既神預備俾愛神既你既貓貓二筒，下星期五，即係年三十晚黎啦。你隻二筒唔會鍾愛你嗰個積左14年塵既上架床，佢唔會跳上去。」
我說：「而家執，即刻去。」
我一上上架床，皮皮在地板跑來跑去，放肆亂咬。
我說：「唔執得住，要攪惦皮皮先。」
......
鐵閘大門開了。
我說：「邊個？」
一把熟悉的女聲回應：「我呀，你以為係賊呀？」
我說：「四點鐘咋wor，你未放工架？點解你會係屋企出現？」
妹妹說：「我今日下晏巡舖，巡完偷時間上黎搵皮皮。」
我說：「我以為你上黎搵我添？」
妹妹說：「順手啦。你攪咩呀，成間房地下滿晒垃圾既？」
我說：「執上架床。」
妹妹說：「執上架床？你執上架床？轉死性呀？做咩無啦啦執上架床呀？」
我說：「二筒就黎黎架啦。下個禮拜，又無啦啦要番四日學，冇咩時間啦。而家唔執等幾時執？」
妹妹說：「咁啱啦。我同皮皮玩，你自己繼續執。」
我掉了一大堆垃圾，抽起發毛的床褥丟掉，用吸塵機吸走14年的塵，再用滴露抹走頑固的污漬。
鐵閘大門開了，媽媽回來。
媽媽說：「攪咩呀，阿仔？」
我說：「執上架床。」
媽媽說：「執上架床？轉死性呀？皮皮既威力真係大。」
我笑，拿起兩個玲瓏寶塔和一個壽星公像。
媽媽說：「阿仔，你想點呀？」
我說：「梗係唔要啦，垃圾。」
媽媽說：「玲瓏寶塔係保佑你兩兄妹學業進步，壽星公係保你地平安，我哋一搬番黎就係度到而家。」
我說：「番緊工仲咩學業進步姐？同埋呢三舊嘢根本冇用，我唔信架，我信左耶穌架啦，平安耶穌度有呀。」
媽媽說：「總之唔准沊！」
我說：「咁好呀，你攞走佢，唔好擺係我間房度，我唔需要。」
媽媽說：「唔得，放住係你度先。」
我說：「放住係我度先，我一陣就沊左佢。」
媽媽說：「唔得，總之放住係你度先。」
......
19/01/2020（日）07:45 自己房
我上上架床，一手拿起兩個玲瓏寶塔和一個壽星公像，打開大門，再打開防火門，行進後樓梯，把它們丟進垃圾桶。
......
另一個我說：「做咩要執14年都冇執過既上架床呀？」
我說：「我既貴賓，二筒唔鍾意污糟。」
另一個我說：「做咩要沊埋嗰兩個玲瓏寶塔、同埋個壽星公像呀？」
我說：「我既貴賓，耶穌基督唔鍾意偶像。」
發表新回應