「失控，你會先從何著手❓」
先從主的一點鼓勵著手，做好自己。
……
12/06/2024（三）2100 香港國際音樂學校510室
Jingo綵排
我開始指揮，大家奏起樂來。
我說：「停，鼓錯，我解釋一下。」
我再開始指揮，大家再奏起樂來。
我說：「停，色士風錯，我再解釋一下。」
我再開始指揮，大家再奏起樂來。
我說：「停，鋼琴錯，我再解釋一下。」
我再開始指揮，大家再奏起樂來。
我說：「停，木管錯，我再解釋一下。」
我再開始指揮，大家再奏起樂來。
我說：「停，吉他錯，我再解釋一下。」
我再開始指揮，大家再奏起樂來。
我說：「停，小提琴錯，我再解釋一下。」
我再開始指揮，大家再奏起樂來。
……
樂手A說：「指揮，其實你有少少俾我哋影響咗，越指越慢。」
我說：「係咩？」
樂手A說：「係呀，不如試下開拍子機對住指吓。」
我說：「好提議。」
我打開拍子機，跟拍子機指，樂曲突然輕快起來，比較像我最初編曲時的聲響。
樂手A說：「係唔係呀？」
我說：「嘩，好多謝你，原來最錯嗰個係我。」
樂手A說：「你其實係去度4/4拍變2/4拍，再變番4/4嗰度開始慢。」
我說：「哦，咁我要留意下。」
樂手 A 笑。
我說：「仲有兩日就表演，我立即聽拍子機同錄音，練好穩定指揮。我暫時能力有限，其他唯有靠大家啦。」
樂手A說：「加油。」
…….
另一個說：「辭職啦。」
我說：「係樂手要求我指，有樂手話冇指揮，唔奏呀。」
另一個說：「佢咁講，係因為唔知道你可以指得咁差，差過冇指揮，你連基本速度都Hold唔住。」
我說：「我而家練。」
另一個說：「唔好咁厚面皮，辭職啦唔該。」
我說：「冇樂手叫我辭職。」
另一個說：「首曲你編嘅，嗰組你埋嘅，表演你報名嘅，佢哋唔好意思講咋。」
我說：「但係有一個樂手同我講加油喎。」
另一個說：「但係都有10幾個樂手冇講嘢呢。」
我說：「冇講嘢唔係冇意見咩？」
另一個說：「冇講嘢係頂你唔順，有口難言呀。」
我說：「咁我唔理得佢哋咁多。」
另一個說：「你想點？」
我說：「我想把握主安排樂手A俾我嘅一點鼓勵。」
我當晚開始努力練習，坐地鐵練，行路練，等人練，現在練成不用看譜，以每分鐘85拍的穩定速度指揮。
我保持練習，其他交給主了，祈求今晚Good Show。
發表新回應