「前來關心的，是主還是人❓」
是主叫人。
……
15/02/2024（四）1000 香港演藝學院作曲及電子音樂室
作曲導修
老師說：「新年快樂。」
我說：「新年快樂。」
老師說：「首曲作成點？」
我說：「等陣，而家開電腦。」
我打開電腦。
老師說：「有冇打算讀上去？」
我說：「都有。」
老師說：「讀到就讀啦。」
我說：「點解？」
老師說：「如果除咗琴行之外，你仲有其他嘢想做吓嘅，碩士係基本入場卷，最好就博士。」
我說：「嘩。」
老師說：「諗住讀咩？作曲博士？」
我說：「未必。」
老師說：「讀咩？」
我說：「指揮。」
老師說：「都可以，好多作曲都讀埋指揮。」
我說：「我想音樂條路闊少少。」
老師說：「想讀中樂定西樂指揮？」
我說：「中樂，好似少啲人爭。」
老師說：「西樂指揮好啲。」
我說：「點解？」
老師說：「一般嚟講，中樂指揮只可以指中樂，西樂指揮就中西樂都指得。」
我說：「咁我讀西樂指揮啦。」
老師說：「邊個同你講，讀完作曲可以讀指揮架？」
我說：「你囉。」
老師說：「我？」
我說：「係呀。啱啱你話得嘅，都冇人問過我呢啲嘢。」
老師說：「好，你首曲聽得未？」
我說：「得。」
……
另一個我說：「邊個話俾你知，你想讀指揮？」
我說：「我自己囉。」
另一個我說：「邊個話你知，你可以讀指揮？」
我說：「我老師囉。」
另一個我說：「邊個叫你老師話你知，你可以讀指揮？」
我說：「主囉。」
另一個我說：「主？你老師信主咩？」
我說：「關我老師信主咩事？」
另一個我說：「你老師唔信主嘅，就唔會聽主點，主仲駛得郁佢過黎關心你咩？」
我說：「你當主係咩？」
另一個我說：「我當主係神囉。」
我說：「神？你當主係神棍咋？」
另一個我說：「我都話當主係神囉。」
我說：「神要叫嘅，會有人叫唔郁嘅咩？」
發表新回應