「主管轄的，除了天上的財寶，還有什麼❓」
天上地下的所有。
……
我正在為我早前編的樂曲Jingo尋找合奏綵排場地。
另一個我說：「搵到綵地場地未？」
我說：「未。」
另一個我說：「點解？」
我說：「好多限制。」
另一個我說：「有咩限制？」
我說：「錢少。」
另一個我說：「有幾多錢用？」
我說：「$1500。」
另一個我說：「唔少呀，夠啦，你又唔係book酒店，你book band房咋嘛。」
我說：「最弊人多呢。」
另一個我說：「幾多人？」
我說：「14個樂手，1個作曲，總共15個人。」
另一個我說：「1人得$100蚊，食嗰晚飯都唔止啦。」
我說：「音樂唔係必需品，budget係咁上下架啦。」
另一個我說：「你book開旺角嗰房，幾多錢？」
我說：「$400一嗰鐘。」
另一個我說：「$400嗰鐘？4個鐘咪玩完，你又要綵排，又要錄影，仲要表演，做得邊樣？」
我說：「唉…唔知。」
另一個我說：「呀，你觀塘仲有book開一間架，幾多錢？」
我說：「$130一個鐘。」
另一個我說：「呢個咪得囉，有成11嗰鐘用。」
我說：「但係佢哋地方好細，最大嗰間房都塞唔落15個人呢。」
另一個我說：「玩完。」
我說：「求助。」
另一個我說：「搵邊個？」
我說：「梗係搵主安排俾我嗰班樂手啦。」
另一個我說：「佢哋有計嘅，你就唔駛愁啦，作曲。」
我說：「問下先啦，都未問先判。」
……
04/01/2024（四）1020 Jingo WhatsApp Group
我說：「大家早晨，我而家搵緊Band房，需要鋼琴、鼓、擴音器….如果你哋知道邊度有，麻煩話我知。」
樂手A說：「我哋有個同學屋企 clubhouse嗰band房有三角琴、鼓、擴音器。 佢都係 HKIIM 嘅，你識吾識？」
我說：「我唔識，可唔可以而家俾嗰聯絡方法我，立即去認識佢？」
樂手A說：「嗰同學知我入咗呢個群組，我唔知點解釋。樂手B，不如你問聲佢方唔方便先？」
樂手B溝通過後，把相關同學的聯絡方法交給我。
…..
05/01/2024（五）1020 Jingo WhatsApp
同學說：「你好，Yip Yip，我都係IIM同學，睇吓幫唔幫到你。」
我說：「好呀。」
同學詳細描述Band房地點、設備和租金。
同學說：「OK嗎？」
我說：「OK，地點好，設備齊，租金平。」
…….
另一個我說：「咁都俾你攪惦條數！」
我說：「聾㗎你？啱啱先講話係我IIM嗰同學幫手租嗰band房先攪得掂。」
另一個我說：「咁都俾你IIM嗰同學攪惦條數！」
我說：「盲㗎你？早兩句咪寫埋俾你睇，係我嗰樂手介紹嗰同學俾我識，先攪惦條數。」
另一個我說：「咁都俾你嗰樂手攪惦條數！」
我說：「喂，又聾又盲㗎你？冇主，我會遇到一個預先認識呢個同學嘅樂手咩？」
另一個我說：「咁都俾主攪惦條數？」
我說：「小兒科啦，主要做嘅，冇嘢做唔到。」
另一個我說：「喂，咪住。」
我說：「咩事？」
另一個我說：「呢啲係你地上嘅budget問題，天上嘅主點會理呀？」
我說：「點解唔會呀？」
另一個我說：「主唔係淨係管天上嘅財寶咩？離晒天喎，你嗰問題。」
我說：「上天下地嘅所有，冇一樣唔係主管，離晒地呀，你個人！」
發表新回應