「澄清誤解真理的責任，如何肩負❓」
立即投入學習預備。
…….
05/07/2022（二）18:45 香港國際音樂學校310對出長凳
我正在吃晚餐，同學坐過來。
同學說：「食三餸飯？」
我說：「係呀。」
同學說：「邊度買？」
我說：「慈雲山聚苑。」
同學說：「幾多錢？」
我說：「$41。你呢？食咩？」
同學說：「唔肚餓。」
我說：「OK。近黎點呀你？」
同學說：「好煩。」
我說：「煩咩？」
同學說：「教會領詩好煩。」
我說：「點煩法？」
同學說：「我負責青年崇拜嘅，次次領詩，佢哋都揀佢哋自己鍾意嗰啲詩歌，」
我說：「佢哋領詩，首詩歌佢哋自己揀，冇問題呀。佢哋通常揀邊啲詩歌？」
同學說：「佢哋揀晒現代啲嗰啲，傳統嗰啲一首都冇，內容九成都係攞嚟舒發佢哋自己嘅感受，搵首讚美主嘅都難。」
我說：「喂！個唱呀？離晒譜！首首都舒發佢嘅感受？你係負責人，你叫佢哋揀詩歌嗰陣要平行啲囉。」
同學說：「講過啦，而家啲後生唔聽你架，駁番你轉頭。」
我說：「佢哋點駁你？」
同學說：「佢哋話傳統啲詩歌超級娘，好老土，鬼死咁肉酸，尤其係四聲部合唱。」
我說：「咁我哋一陣入310咪練習點樣變得超級娘，好老土，鬼死咁肉酸？」
同學說：「哈哈…..」
我說：「你同意？」
同學說：「梗係唔同意啦，舊有舊好，新有新好。」
我說：「既然唔同意，咁你有冇駁番佢哋？」
同學說：「我冇駁番佢，我諗住搵d無伴奏合唱，佢哋而家興呢啲，睇吓得唔得，會唔會有啲改變？」
我說：「點解你唔駁番佢？仲要就佢哋喜好，幫佢哋搵埋佢哋鍾意嗰啲詩歌俾佢哋？傻咗呀你？」
同學說：「我諗唔到點駁佢。」
我說：「你而家讀緊音樂，竟然話諗唔到點駁？」
同學說：「如果你係我，你會點駁佢？」
我說：「我會問佢兩條問題。」
同學說：「第一條係咩？」
我說：「你揀嗰首現代詩歌，有咩咁好聽？」
同學說：「第二條係咩？」
我說：「第二條，我揀嗰首傳統詩歌，有咩咁難聽？」
同學說：「點討論？」
我說：「旋律、節奏、和聲、織體、配器、曲式、密度、音域、過門……」
同學說：「你讀作曲文憑，梗係識啦，呢啲我唔識。」
我說：「咁你今年高級證書畢業，就快手啲報下年文憑去學識佢啦。
……
另一個我說：「我身邊有人話舊約以前廢嘅，而家唔適用，而家2022年，新約先適用。」
我說：「你同意呀？」
另一個我說：「梗係唔同意啦，新約係神講嘅真理，舊約都係神講嘅真理。」
我說：「既然唔同意，咁你有冇駁番佢？」
另一個我說：「冇。」
我說：「點解你唔駁番佢？」
另一個我說：「我諗唔到點駁佢。」
我說：「你係基督徒，竟然話諗唔到點駁？」
另一個我說：「如果你係我，你會點駁佢？」
我說：「我問佢舊約邊章邊節邊句邊隻字，唔適合而家邊個情境用？」
另一個我說：「你查咗10年經，仲帶過五年查經，你梗係識駁啦！我冇乜點查過經，更加冇帶過經，唔識駁。」
我說：「咁你就不負責任，由得佢喺度亂噏廿四，混淆視聽，扭曲真理呀？」
另一個我說：「唔得。」
我說：「唔得，你仲認真去學查經？」
另一個我說：「我未學，係唔知道邊度有得學查經啫。」
我說：「想實體查，教會有。想網上Zoom查，我呢度都有，嗰個禮拜做宣傳，宣傳咗咁耐一句都冇聽見過你問下嘅？」
另一個我說：「……」
發表新回應